ਮੈਂ ਤਾਂ ਖਵਰੇ ਜਨਮਿਆਂ ਤੜਪਣ ਲਈ,
ਦਿਲ ਤਾਂ ਮੈਂਢਾ ਤਰਸਦੈ ਧੜਕਣ ਲਈ.
ਵੰਝਲੀ ਦੀ ਕੂਕ ਨਾ ਮਹਿਸੂਸਦੀ,
ਵੰਝਲੀ ਦੀ ਕੂਕ ਜੋ ਹਰ ਵਣ ਲਈ.
ਵਣ ਕਹੇ ਸਾਖੀ ਉਜਾੜੇ ਦੀ ਸੁਣੋ,
ਕਾਫੀ ਸੀ ਕੁਦਰਤ ਕਦੇ ਕੁਦਰਤ ਲਈ.
ਧਰ ਖੜਾਊਂ ਤਖਤ ਤੇ ਚੌਦਾਂ ਵਰੇ,
ਕੌਣ ਕਰਦੈ ਸਬਰ ਅੱਜ ਸ਼ਾਸਨ ਲਈ.
ਭੈਣ ਦੀ ਅਜ਼ਮਤ ਦਾ ਜੋ ਰਖਵਾਲ ਸੀ,
ਭੈਣ ਹਰ ਲੋਚੇ ਨਾ ਕਿਓਂ ਰਾਵਣ ਲਈ.
ਰਾਮ ਦਾ ਬਣਵਾਸ ਸੀਤਾ ਨਾਲ ਸੀ,
ਸੀਤਾ ਪਰ ਕੱਲੀ ਗਈ ਸੀ ਵਣ ਲਈ.
ਤਮਸ ਨੂੰ ਨਿਂਦਣਾ ਤਾਂ ਕੋਈ ਕਾਜ ਨਾ,
ਬਾਲ ਕੇ ਧਰ ਦੀਪ ਦੇ ਚਾਨਣ ਲਈ.
ਆਪਣੀ ਕੀਮਤੀ ਰਾਇ ਨਾਲ ਜ਼ਰੂਰ ਨਿਵਾਜ਼ਿਆ ਕਰੋ.deepzirvi@yahoo.co.in
ਲੋਡ ਹੋ ਰਿਹਾ ਹੈ...